तेस्रो बारपाक सुलिकोट रनिङ शिल्ड प्रतियोगिताको उपाधि माझथर मा वि ले जितेको छ। ९ स्वर्ण, ४ कास्य सहित माझथर प्रथम, ५ स्वर्ण, ६ रजत, ४ कास्य सहित हिमालय मा वि बारपाक दोस्रो र ४ स्वर्ण, ९ रजत, ५ कास्य सहित सूर्यज्योति मा वि, ताकुकोट तेस्रो हुन सफल भएको छ।
आज भएको समापन समारोह तथा पुरस्कार वितरणमा गाउँपालिका अध्यक्ष विष्णु प्रसाद भट्टले विजयी विद्यालय र विद्यार्थीलाई शिल्ड, ट्रफी र मेडल प्रदान गर्नुभएको थियो। विद्यालय र विद्यार्थीलाई पुरस्कृत गरेर थप हौसला दिइएको थियो। फाल्गुन १२ बाट सुरु भएको प्रतियोगितामा १३ विधाका खेल खेलाईएको थियो।
साथै समापन समारोह पश्वचात उत्कृष्ट विद्यार्थीलाई जिल्ला स्तरीय राष्टपति रनिङ शिल्डको लागि बिदाई गरिएको थियो। गाउँपालिका अध्यक्ष, उपाध्यक्ष, प्रमुख प्रशासकीय अधिकृत लगायतले अविर र खादासहित विद्यार्थीलाई विदाई तथा हौसला प्रदान गर्नुभएको थियो।
